पुलिस बस दुर्घट्ना; मुख्यमन्त्रीको सुरक्षार्थ खटिएका पुलिसहरू दुर्घट्नामा परेका हुन्

गफसफ.com, कालेबुङ 1 जुन।

मुख्यमन्त्री ममता ब्यानर्जी कालेबुङ आएको समय सुरक्षाका निम्ति ल्याइएका पुलिसकर्मीहरू आज उत्तर दिनाजपुर फर्कनेक्रममा बस दुर्घट्नामा परेका छन्। कालेबुङ शहरदेखि 9 किलोमिटर टाडो 3 माइल फाटकमा पुलिस कर्मीहरू सवार रहेको डब्ल्युबी 59 -8728 बस कालेबुङबाट सिलगडीतर्फ जानेक्रममा दुर्घट्ना भएको हो। 

दुर्घट्नाको कारण बसमा सवार रहेका अधिकांश पुलिसकर्मीहरू घाइते भएका छन् भने 8 जनालाई तत्काल उद्धार गरेर सिलगडी पठाइएको छ। दुर्घट्नापछि तत्कालै स्थानीय मानिसहरूको सहयोगमा उनीहरूलाई उद्घार गर्ने कार्य गरिएको थियो।