कालेबुङ नगरपालिकाले सुरु गर्‍यो सहिद वेदीएको सुन्दरीकरण

गफसफ.com, कालेबुङ  23 नोभेम्बर। 

छुट्टै राज्य गोर्खाल्याण्ड आन्दोलनको क्रममा अस्सिको दशकमा सहिद बनेकाहरूको स्मरणमा निर्माण गरिएको 11 माइल स्थित रहेको सहिद बेदीलाई कालेबुङ नगरपालिका पुन:उद्धारको कार्य आरम्भ गरेको छ।

सहिद वेदीलाई कालेबुङ नगरपालिकाले सुन्दरीकरण गर्नका निम्ति पहिलो चरणको कार्य आरम्भ समेत गरेको छ। पहिलो चरणमा उक्त कार्यको निम्ति 19 लाख रूपियाँ अनुमोदन गरिएको छ भने आज उक्त कार्यको आरम्भ नगरपालिका अध्यक्ष रवी प्रधानको बाहुलीबाट पूजा अर्चना गरेपछि नरीवल फुटाएर गरिएको छ। उनले वितेको 27 जुलाईको दिनमात्र सहिदहरूलाई सम्झना गर्नु ठिक नरहेको कारण उनीहरूको त्यार र बलिदानलाई कदर गर्दै उक्त सहिद वेदीलाई नगरपालिकाले संरक्षण गर्ने कार्य आरम्भ गरेको नगरपालिका अध्यक्ष रवी प्रधानले बताएका छन्।